राम्रो अनलाइन
०३ साउन २०८१, बिहिबार
काठमाडौँ–उपप्रधान एवम् सहरी विकासमन्त्री प्रकाशमान सिंह र नेपालका लागि चिनियाँ राजदूत चेन सङबिच शिष्टाचार भेटवार्ता भएको छ । बिहीबार सिंहदरबारमा उपप्रधानमन्त्री सिंह र राजदूतसँगबिच भेटवार्ता भएको हो ।
भेटमा चीनका तर्फबाट राजदूतले उपप्रधानमन्त्री सिंहलाई बधाईसहित कार्यकाल सफलताको शुभकामना दिएका छन् । नेपाल र चीन बिचमा सहरी विकासको क्षेत्रमा सहकार्यका बारेमा पनि छलफल भएको छ ।
चीनले रुकुम र जाजरकोटमा गत वर्ष गएको भूकम्पपछिको पुनर्निर्माणमा सघाउन तयार रहेको राजदूतले बताएका थिए । भेटमा उपप्रधानमन्त्री सिंहले दुवै देशबिचको सम्बन्ध विस्तार गर्दै नेपाललाई अझै बढी सहयोग गर्न आग्रह गरे।
