राम्रो अनलाइन
२२ मंसिर २०८२, सोमबार
रसुवा– भालुको आक्रमणबाट दक्षिणी रसुवाको खाल्चेत क्षेत्रमा सोमबार (मंसिर २२) दुईजना गम्भीर घाइते भएका छन् ।
भालुको आक्रमणबाट घाइते हुनेमा नौकुण्ड गाउँपालिका–५, खाल्चेतका ६५ वर्षीय मानबहादुर तामाङ र कालिका गाउँपालिका–५, डिगाउँका ५० वर्षीय शिवप्रसाद गजुरेल छन् । उनीहरूलाई सोमबार बिहान भालुले आक्रमण गरेको स्थानीय रामप्रसाद पौडेलले जानकारी दिए ।
निजी जमिनमा घाँस काटिरहेको अवस्थामा लाङटाङ राष्ट्रिय निकुञ्जको जंगलबाट निस्केको भालुले आक्रमण गरेको स्थानीय बासिन्दाले बताएका छन् ।
भालुले आक्रमण गरेपछि स्थानीयस्तरमा उनीहरूको प्राथमिक उपचार गरिएको थियो । थप उपचारका निम्ति उनीहरूलाई काठमाडौं पठाइएको प्रहरी नायब उपरीक्षक हेमबहादुर शाहीले जानकारी दिए ।
