एजेन्सी
०५ चैत २०७८, शनिबार
बलिउडकी सशक्त अभिनेत्री मध्येकी एक विद्या बालनले हरेक पल्ट आफ्नो कामबाट छुट्टै छाप छोड्न सफल भएकी छन् । उनको भर्खरै आएको फिल्म ‘शेरनी’ लाई मानिसहरूले निकै मन पराएका थिए र अब उनी फेरि एकपटक पर्दामा छाउन तयार छिन् । विद्या चाँडै शेफाली शाहसँग फिल्म जलसामा देखिनेछिन् र यो फिल्म अमेजन प्राइम भिडियोमा रिलिज हुनेछ।
स्तोमा अभिनेत्रीले फिल्मको प्रचारप्रसार गरिरहेकी छिन् र यसै क्रममा विद्याले आफ्नो जीवनका केही यस्ता कुरा बताएकी छिन्, जुन सुनेर तपाई छक्क पर्नुहुनेछ । विद्या बालनले आफ्नो जीवनको एउटा यस्तो किस्सा सुनाइन्, जब उनले आफूलाई ऐनामा हेर्ने हिम्मतसमेत जुटाउन सकिनन् ।
विद्या बालनले एक पत्रिकालाई दिएको अन्तर्वार्तामा त्यो समयको बारेमा बताएकी छन् जतिबेला उनलाई धेरै फिल्मबाट हटाइएको थियो । विद्याले भनिन्, ‘पछिल्ला केही दिनमा मलाई फिल्ममा मलाई रिप्लेस गर्ने निर्माताबाट पनि फोन आएको छ । तर मैले मायाले इन्कार गरेँ । मलाई १३ वटा फिल्मबाट निकालिएको थियो । यस्तै एक निर्माताले मलाई फिल्मबाट निकालेर निकै नराम्रो व्यवहार गरेका थिए । उनले मलाई यति नराम्रो महसुस गराएका थिए कि मैले ६ महिनासम्म ऐनामा आफूलाई हेर्न सकिनँ ।
सन् २००३–०४ मा आफूले पाएको रिजेक्जनको बारेमा कुरा गर्दै विद्याले भनिन्, ‘जब मलाई फिल्मले रिप्लेस गरिरहेको थियो, मैले के बालचन्द्रका दुईवटा फिल्म साइन गरेकी थिएँ । त्यसपछि मलाई थाहा भयो कि बालचन्द्रको फिल्मबाट पनि मलाई हटाइयो र त्यो कुरा मलाई भनिएको पनि थिएन । मलाई त्यो शंका त्यतिबेला लाग्यो जब फिल्मको सुटिङका लागि न्युजिल्यान्ड जाँदा उनीहरूले मेरो राहदानीसमेत मागेनन् । आमाले बालचन्द्रकी छोरीलाई फोन गर्दा मात्र मलाई निकालिएको थाहा भयो ।
विद्याले घटनापछि आफू निकै रिसाएको र चर्को घाममा हुँदाहुँदै मरिन ड्राइभबाट बान्द्रासम्म हिँडेको बताइन् । उनले भनिन्, ‘केही घण्टापछि मात्र म हिँडिरहेको छु भन्ने महसुस भयो । ती सम्झनाहरू अहिले धुमिल छन् ।’ विद्या बालन आफ्नो आगामी फिल्म जलसाको लागि तयार छिन् । यस फिल्ममा विद्या बाहेक शेफाली शाह, मानव कौल, इकबाल खान, रोहिणी जस्ता कलाकारको पनि महत्त्वपूर्ण भूमिका छ ।
.jpg)
.jpg)
