राम्रो अनलाइन
२८ असार २०८१, शुक्रबार
काठमाडौं– अर्जेन्टिनाका मिडफिल्डर एन्जल डी मारियाले कोपा अमेरिकाको फाइनल आफ्नो करिअरको अन्तिम अन्तर्राष्ट्रिय खेल हुने बताएका छन् ।
फ्लोरिडाको मियामी गार्डेन्समा आइतबार कोपा अमेरिकाको फाइनलमा अर्जेन्टिनाले कोलम्बियाको सामना गर्दैछ । डी मारियाले साविक विजेता अर्जेन्टिनालाई कोपा अमेरिकाको उपाधि जिताएर आफूले संन्यास लिन चाहेको बताए।
‘कोपा अमेरिकाको फाइनल मेरो अन्तिम अन्तर्राष्ट्रिय खेल हुनेछ । यो यात्रामा साथ दिने सबैलाई धेरै(धेरै धन्यवाद,’ डी मारियाले भने ।
सन् २००८ मा डेब्यू गरेका डी मारियाले १४४ खेलमा ३१ गोल गरेका छन्। डी मारियाले अर्जेन्टिनालाई सन् २०२१ को कोपा अमेरिका र २०२२ को फिफा विश्वकप दिलाउ महत्वपूर्ण भुमिका निर्वाह गरेका थिए ।
