राम्रो अनलाइन
०३ फागुन २०८०, बिहिबार
काठमाडौँ– चर्चित हास्य टेलिश्रृंखला ‘सक्किगोनी’ को टिमले नयाँ चलचित्र निर्माणको औपचारिक घोषणा गरेको छ । यो सिरियलको टिमले बनाउन लागेको पहिलो फिल्मको नाम ‘लाज शरणम्’ राखिएको छ ।
वसन्त पञ्चमीको अवसर पारेर सामाजिक सञ्जालमार्फत नाम सार्वजनिक गरिएको हो । । यो फिल्मलाई कुमार कट्टेल र अर्जुन घिमिरेको टिमले निर्देशन गर्ने जानकारी समेत दिइएको छ । चलचित्रका बारेमा विस्तृत जानकारी भने दिइएको छैन ।
फिल्ममा कुमार, अर्जुनका साथमा ‘सक्किगोनी’मा काम गरेका थुप्रै कलाकारहरूको अभिनय रहनेछ । यस्तै, फिल्ममा फिल्म क्षेत्रका नाम चलेका कलाकारहरूलाई पनि समावेश गर्ने तयारी यो टिमको छ ।
